التخطي إلى المحتوى الرئيسي

الكونتور والهاي لايت

الكونتور والهاي لايت ..




كثير بنات مستصعبين الطريقة
ويحسونه شي صعب .. وهو بالعكس
.
أول شي ما الكونتور والهاي لايت ؟

الكونتور : إخفاء الأماكن اللي ماتبين تبرزينها بلون غامق بالمكياج

والهاي لايت : أبراز الأماكن اللي تبينها تظهر بلون فاتح بالمكياج
..

فيه شركات كثير طلعت منتجات
خاصة للكونتورينق والهاي لايتنق

طريقة الاستعمال ...

بعد ترطيب الوجهه أحط برايمر
بعدين أحط الفاونديشن كريم الأساس ..
وأستخدم ميبلين "كوكونت موكا" درجة 355
هذا




تحت عظمة الخد ..

وعلى عظمة الخد الهاي لايت
يا استخدم من بينفت "سن بيم" أو من ماك "هش فورست"






بعدين ابدأ أدمج الهاي لايت في مكانه والكونتور في مكانه بحركة دائرية
.
.

*بعدين حسب المكياج
نهار أو ليل لان ماينفع تستخدمين بلشر فيه لمعه للصباح
راح يعطيك مظهر مبالغ فيه

فوق مكان الكونتور استخدم
إذا نهار من شانيل هالبلشر أسمه "ليس بيج"
هذا شكله 




لانه مات مطفي ويعطي شكل برونزي بدون لمعه
مكان الكونتور اللي هو تحت عظمة الخد
أما إذا بالليل تقدرين تستخدمين
بلشرات فيها لمعه مثل ذا بالم اسمه "بيتي لو"
هذا البرونزي وللهاي لايت استخدم "ماري لو"


زي ماأنتم شايفين "بيتي لو" 
هذي مشكلة أغلب مستخدمي منتجات ذا بالم يعانون منها
دائم بلشراتهم تتكسر ..بس أنها تجنن 
بس العتب على العلب 
والزين مايكمل:( 

لمعته خفيفة وتطلع شكل جميل على الخد
وخلاص أنا اكتفي" ببيتي لو" ولا أحط بلشر وردي أو مشمشي .. لكن بعض الأحيان أخفف مكياج العين وأركز على الخد والروج فا استخدم بلشر "هوت ماما" من ذا بالم برضو درجتها حلوه مره على المشمشي تقريبا وشوي وردي 

هذا سواتش أخذته من وحده مسوي ريفيو
عنه 



وأخر لمسة أوزع بودرة عشان وجهي مايكون مقسم
باللألوان والبودرة توحد لون الوجهة وتخلي الكونتور والهاي لايت والبلشر تتجانس مع بعضها
أستخدم بودرة ماك "فيكس فاونديشن باودر"



على كامل وجهي غالبا تكون نفس لون البشرة ومكان الهاي لايت تحت العين أوزع بودرة أفتح من حقت ماك
بدرجة أو درجتين مثل بودرة ماكس فاكتر اسمها "بوف كريم"
درجة "لايت ان قاي "





وهذي الدرجة كثير من خبراء التجميل يستخدمونها تحت العين للتفتيح المنطقة
بعد مايحطون الكونسيلر يستخدمون هذي الدرجة من ماكس فاكتر ..
البودرة بشكل عام ودرجاتها..
أتعب وأنا أقول رهيبة وخفيفة وماتتعب البشرة
وريحتها تجنن كانها بودرة أطفال تنفع للأستخدام اليومي
ولها ٨٠ سنة في ماكس فاكتر ماغيروها ولا شالوها من منتجاتهم
.
.
تحسين كثير صح ؟
كونتور وهاي لايت وبلشر وبودرة؟!
مو كثير يعتمد على طريقة دمجك لازم ماتكثرين
وإذا حسيتي أنه خفيف تطبطبين بتدريج
على الكونتور أو البلشر أو الهاي لايت
أهم شي لاتكثرين من البداية عشان تكونين في السليم
وتتحكمين أكثر وتوصلين للدرجة اللي تبين !


مثلا
مو شرط لازم تحطين
 الكونتور
والهاي لايت
والبلشر
تقدرين تحطين كونتور وهاي لايت
وتقدرين تحطين بس هاي لايت
أو بلشر بس
أو هاي لايت بس
يعتمد على أنتي وش تبين

بعض الأحيان أحط هاي لايت وبلشر وروج وماسكارا وخلاص

وأفضل مو دايم تسوين كونتورينق
عشان ماتملين
وبشرتك ماتتعب خصوصا إذا كنتي تحطين ميك آب باستمرار
عن نفسي أفضل أسوي الكونتور كامل بالمناسبات بس
وباقي الأيام تعتمد على حسب مكياجي

مثل هذي الصور


هي أصلا خطوات للكونتور وكيف تسوينه
وصحيحة الطريقة للأخير
وبعد صحيح لو حطيتي كل خطوة لحال
المكياج بالنسبة لي مافي قواعد معينة تمشين عليها
على حسب أنتي وش تفضلين من أنواع الميكاج
تحبين الثقيل أو الخفيف ..
وبذات بموضوع الكونتور تقدرين تستخدمين 
الاظلال البنية ودرجاتها في تحديد الوجهه 
أو فاونديشن كريم أساس غامق 
والهاي لايت تستخدمين ظل فاتح 
تقدرين تسوينه بالمنتجات اللي متوفرة عندك  ..


.
.
بعض المنتجات اللي أستخدمها ف الكونتور
والهاي لايت والتغطية الأخيرة (البودرة)
غير اللي تكلمت عنها فوق 




بودرة برونز على شوي أورنج من "كلارنس"
تحصلون هذي الماركة في وجوه .. أغلب منتجاتهم طبية وماتضر بالبشرة


بلشرات من "اتش اند ام" ثباتها حلو ولونها جميل 
تلقونها في محلهم 


بلشر "بيتي لو " من ذا بالم مثل قلت من قبل لونها جميل ثباتها مره حلو 
والحمدلله صارت متوفرة عندنا بالاحساء زي ماسمعت 
وان شاء الله متفائلة قريب بيفتح بالرياض 
خلينا نتفائل :) 
تحصلونها عند المندوبين 


هذي علبه البلشرات اللي على اليسار من توفيسد 
مجموعة صيف ٢٠١٤ 
فيها كونتور ..وبلشر ..وهاي لايتنق 
جدا جميلة وثباتها عالي 
بس عيبها ريحة الشكولاتة ..تنرفز صراحة ! 
وعلبة الاظلال اللي على اليمين فيها الهاي لايت 
مو بس هاي لايت و اقدر استخدمه ظل أو أخفف لون روج فيه .. جدا جميل 
عموما منتجات " تو فيسد" لو أحكي فيها من اليوم لبكره ماراح اخلص لانها تجنن ولما تحطين مكياج تحسين فعلا مكياج ويطول 
بس عيبهم في بعض المنتجات معها الشكولاتة 
وهذي شي حلو تحسين مواد طبيعية وماتئذي 
بس اللي مايحب الشكولاتة والحلا بيفهم كلامي 
على ان فيه كثير يحبون الحلا وتكلموا عن هذا الشي انه مزعج وماحبوه في المكياج 
هذي الماركة تلقونها بسيفورا ..بس علبة البلشرات والاظلال أتوقع خلصت 
لانها طلعت مع مجموعة الصيف ..عالعموم انا طلبتها أونلاين 
أخر مره رحت سيفورا الرياض قاليري ماحصلتها 


هذي علبه فيها ١٥ لون كونسيلر من " كوستال سنس" كريمية
أستخدمها للهاي لايت والكونتور بعد الفاونديشن مباشرة ..بعدين استخدم الكونتور والهاي لايت بودرة .. واستخدمها غالبا في المناسبات 
بس جدا جدا رائعة 
كاكونسيلر ثباته جدا عالي وتغطيته فل كفر ومايخطط 
ويخفي العيوب  ..  
وهذي الحركة 
اللي تستخدمين اول شي كريمي بعدين تثبتين بالبودرة تساعد في ثبات المكياج فترة أطول 
وحطي في بالك أي شيء تبينه يثبت ويطول 
حطي طبقة كريمية بعدين ارجعي بالبودرة طبطبي 
برضو تحصلونها عند أغلب المندوبين 


"سن بيم " من بينفت من الأشياء الجميلة 
واللي تنفع نهار وليل وتعطي مظهر نظيف ومليان نضارة استخدمه كهاي لايت واحيان استخدمه لحاله 
تلقونه في سيفورا 


بلشر من "أورغلاس" اسمه " Luminous Flush"

مو متوفر عندنا للأسف ..لكن طلبته أون لاين 
وفيه مندوبين يوفرونه 
أول ماشريته جربته على يدي ماحبيته أبدا 
حسيته خفيف وأي كلام ..
بس لما حطيت ميك اب وحطيته لحاله 
انصدمت جميل جامع ثلاث ألوان الوردي والمشمشي وفيه لمعه خفيفة أستغنيت فيها عن الهاي لايت 
جدا أعجبني وبجرب الوانه الثانية .. 
جربت هذا شوي مايل على المشمشي لان أحب هذا اللون مره بالبلشر مع البرونز يجي خيالي 

هذا سواتش بموقع سيفورا 



اللمسة الأخيرة بالميك اب 
اللي هي البودرة من غير بودرة ماك وماكس فاكتر اللي تكلمت عنها فوق ..
بودرة بانانا من "بين ني" لونها شوي على الاصفر 
بس لما أوزعها على وجهي 
تأخذ لون البشرة ..جميلة جدا وريحتها نفس ريحة بودرة الأطفال ماأحسها أبدا تتعب البشرة 
وتنفع للأستخدام اليومي 
أوحتى تتسخدمينها لحالها 
هذا حجم الوسط في أكبر وفيه أصغر ودرجات مختلفة..تتلقونها عن المندوبين 


هذي بودرة لقيتها في محلات مستلزمات التجميل والعطور ..وبتلقونها بكل مكان 
يبيع مستحضرات محمود سعيد وغيره 
جدا جدا رهيبة 
حطيتها لحالها طلعت تجنن ووحدت لون بشرتي 
حطيتها فوق فاونديشن 
أعطت إضاءة مره حلوه ونظيفة 
تطول ما تخطط ماتنشف الوجهة ريحتها برضو نفس ريحة بودرة الأطفال .. اسمها "أم دي" 
ومن نفس الماركة فيه ارواج تجنن وثباتها عالي 
لازم تجربونها بأنفسكم 


.
.
المصدر: جولدن ليدي

المشاركات الشائعة من هذه المدونة

العجينة القطنية العجينة الذهبية عجينة العشر دقائق بالصور

\
\















اقوى خلطة منزلية تفتيح جسم وبشرة خلطة بياض الثلج الاصلية بمكونات فمتناول يدك

معروفه هالخلطه من زمان انها تصفي لون الجسم 👌🏻
و تشيل التشققات و تشيل اثار حبوب الجسم و التصبغات 👌🏻! . . تحطون الخلطه يومياً او يوم ايه يوم لا و تلبسون بدلة ساونا او بجامة قطن لمدة ساعتين . . و بعده تاخذون شاور و تتروشون بصابونه مبيضه مثلاً : البابايا الكركم الغار إلخ..... . . 
و اهم شيء الترطيب 👌🏻👌🏻😍! . . مكوناتها :
صابون غار
علبة ماء ورد
فكس صغير نص علبة لوشن مفتح 
كريم جليسوليد وسط
ثلاث ملاعق كركم جسم 
فنجان زيت جلسرين 
فنجان زيت خروع 
فنجان زيت لوز ( مّر او حلو كلهم ينفعون ) 
فنجان زيت زيتون . . 
الطريقه :
تنقعون الصابون لمدة ثلاث ساعات 👌🏻
و بعده تحطون كل المكونات و تخلطونها بالمضرب الكهربائي 🙊❤️❤️! .
انا قد كتبت لكم خلطة بياض الثلج المطوره جربتها قبل كلمة روعه قليله عليها ❤️❤️ . . . بس كثير بنات ماعندهم القدره يوفرون مكوناتها لانها كثيره بصراحه و حسيت نفس النتيجه ،، . . . ذي معروفه عند بنات جماعتنا قبل يتزوجون يداومون عليها و تروح البنت لزوجها قشطه ورب




خلطة بياض الثلج المطورة👍😍🏻 . 

مجموعة جاهزة من نماذج السيرة الذاتية ​ CV ​


متابعينى الكرام

اليوم أقدم لكم مجموعة جاهزة من نماذج السيرة الذاتية 
CV 
وهي عبارة عن ملفات Word 
تصميمات مختلفة من السيرة الذاتية عربي :: إنجليزي

فقط يمكنك أدخال بياناتك بها ثم أطبعها على الطابعة 
ليصبح لديك CV رائع تقدمة إلى أي جهة عمل وبالتوفيق إن شاء الله ..
تعالوا نشاهد بعض من هذه النماذج الرائعة في الصور التالية :-



::::::::::::::::::::::::::::::::::::::::



::::::::::::::::::::::::::::::::::::::::::



:::::::::::::::::::::::::::::::::::::

:::::::::::::::::::::::::::::::::::